Янги турдаги коронавирус оқибатида бутун дунё бўйлаб вафот этганлар сони 24 минг кишидан ошиб кетди. Бу ҳақда вирус тарқалишини реал вақт режимида кузатиб борувчи Жонс Ҳопкинс университети маълумотларида келтирилган. Дунё бўйлаб касалликни юқтириб олганлар сони эса 531,7 минг кишидан ошган.
Тошкент вақти билан соат 09:00 ҳолатига кўра, касаллик оқибатида вафот этганлар сони 24 072 кишини ташкил этмоқда. Қурбонларнинг асосий қисми Италияда — 8215 киши. Таъкидланишича, ўтган бир сутканинг ўзида 712 киши вирус оқибатида вафот этган. Ломбардия ва Эмилия-Романя пандемиянинг мамлакатдаги ўчоғига айланган.
Коронавирус қурбонлари сони бўйича иккинчи ўринда Испания кетмоқда — 4,3 минг киши. Ундан кейинги ўринни Хитой эгаллаган (3292 киши) бўлиб, мамлакатда ўтган бир сутка ичида беш киши вафот этган.
АҚШда эса коронавирус билан касалланганлар сони 85,5 мингдан ошиб кетди.
Мавзуга доир:
Изоҳ (0)