27 март соат 07:50 ҳолатига кўра, Қозоғистоннинг Олмаота шаҳрида коронавирус билан касалланиш бўйича яна еттита ҳолат қайд этилган. Бу ҳақда мамлакат Соғлиқни сақлаш вазирлигининг товарлар ва хизматлар сифати ва хавфсизлигини назорат қилиш қўмитасига таяниб, Tengrinews хабар берди.
Умумий ҳисобда Қозоғистонда коронавирус билан касалланганлар сони 120 кишига етган. Шундан: Нур-Султонда — 60 нафар, Олмаотада — 47 киши, Қарағандада — 4 киши, Чимкентда — 2 киши, Оқмўлада — бир нафар, Олмаота, Актўбе, Шимолий Қозоғистон вилоятларида — бир нафардан, Жамбил вилоятида эса 3 киши.
Аввалроқ Қозоғистонда коронавирус билан боғлиқ биринчи ўлим ҳолати кузатилгани ҳақида хабар берилганди. Шунингдек, 26 март куни Марказий ҳарбий округ бўлинмаси Қозоғистондан келган ўзбекистонликларнинг карантиндаги хавфсизлигини таъминлай бошлагани маълум бўлганди.
Мавзуга доир: Нур-Султонда карантин вақтида чекловлар кучайтирилди. Шаҳарга кириб-чиқиш тўлиқ ёпилиб, блокпостлар ўрнатилди
Изоҳ (0)