Қирғизистон Республикасининг Қизилқия шаҳридан Фарғона вилоятига 26 март куни соат 23:00 да 67 нафар ўзбекистонлик олиб келинган. Бу ҳақда «Дарё»га вилоят ҳокимлиги ахборот хизмати хабар бермоқда.
Қувасой шаҳридаги «Ўзбекистон» чегара постида олиб келинган фуқаролар белгиланган санитария талаблари асосида зарарсизлантирилган.
Текширув натижасида 1989 йил туғилган фарғоналик М.А.да тана ҳарорати кўтарилиши кузатилгани боис тез тиббий ёрдам машинасида вилоят юқумли касалликлар шифохонасига олиб кетилган.
Қолган 66 нафар фуқаро махсус ажратилган автобусларда Қувасой шаҳридаги «Кварц» АЖга қарашли соғломлаштириш марказига жойлаштирилган ва тўлиқ тиббий кузатувга олинган.
Таъкидлаш лозимки, Қирғизистондан олиб келинган 67 нафар фуқаронинг 7 нафари Самарқанд, 5 нафари Қашқадарё, 4 нафари Андижон ва 51 нафари Фарғона вилоятидан бўлган.
Изоҳ (0)