Давлат хавфсизлик хизмати (ДХХ) ходимлари ўзларининг бир кунлик иш ҳақларини ихтиёрий равишда Соғлиқни сақлаш вазирлиги ҳузуридаги «Меҳр-шафқат ва саломатлик» фондига беғараз ёрдам тариқасида ўтказиб берди. Бу ҳақда хизмат масъуллари «Дарё»га маълум қилди.
Аввалроқ Соғлиқни сақлаш вазирлиги ҳузуридаги «Меҳр-шафқат ва саломатлик» фондига бир кунда 5 миллиард сўм маблағ йиғилгани, хусусан, номини ошкор қилишни истамаган биргина ташкилотнинг ўзи фондга 1 миллиард сўм ўтказиб бергани ҳақида хабар берилган эди.
«Пул ўтказганлар орасида 10 минг сўм йўллаган фуқароларимиздан тортиб бир неча миллион сўмгача ўтказган давлат ва нодавлат ташкилотлар, тадбиркорлар бор», — дея маълум қилганди Соғлиқни сақлаш вазирлиги ҳузуридаги Коронавирусга қарши курашиш бўйича штаб аъзоси Дониёр Алимов.
Йиғилган маблағлар биринчи навбатда дори-дармон, тиббий анжомлар, дезинфекция, шахсий гигиена воситалари, касаллик профилактикаси бўйича тарғибот материалларига ишлатилади. Шунингдек, тиббиёт муассасаларини қуриш, беморлар, карантиндагилар билан бевосита ишлаётган шифокорларни рағбатлантиришга ҳам йўналтирилади.
Ҳар ким қуйидаги ҳисоб-рақамларга пул маблағларини ўтказиш йўли билан ушбу хайрли ишга ўз ҳиссасини қўшиши мумкин:
Юридик шахслар учун: «Ипотека-банк»нинг «Мехнат» филиали; МФО: 00 423, ИНН: 200 897 248, ОКОНХ: 98 600.- 20 212 000 4001 0173 4001 (сўмда);
- 20 212 840 9001 0173 4001 (АҚШ долларида);
- 20 212 978 0001 0173 4001 (еврода).
- «Ипотека-банк»: 8600 3329 9742 5800
- «Ипотека-банк» (Visa): 4084 1600 0031 6334
- Humo Card: 9860 0101 0240 5858
Изоҳ (0)