Сирдарё вилояти Гулистон шаҳрида кўчада ниқобсиз юрган эркак ИИБ ходимларидан қочиб кетишга уринди.
ИИБ ходимлари нима сабабдан ниқобсиз юрганлигини сўраган вақтида, эркак қочиб кетишга уринган. Бироқ у зудлик билан қўлга олиниб, ички ишлар бўлимига олиб борилган. Эркакка нисбатан базавий ҳисоблаш миқдорининг бир баравари миқдорида (223 минг сўм) жарима белгиланган.
Аввалроқ Тошкент, Самарқанд ва Фарғонада ниқобсиз юрган фуқаролар жаримага тортилгани ҳақида хабар берилган эди. Қашқадарёда карантин қоидаларини бузган икки чойхоначи ва бир «қочоқ» жаримага тортилди. Шунингдек, Ўзбекистонда карантинга олинганлар ва унинг қоидаларини бузганлик учун жавобгарликка тортилганлар сони маълум қилинган эди.
Мавзуга доир: Юқумли касаллик ҳақида ёлғон маълумот тарқатганлар энди жиноий жавобгарликка тортилади
Изоҳ (0)