Ўзбекистонда 24 мартдан бошлаб коронавирус инфекцияси тарқалишига қарши кучайтирилган тартиб жорий этилгани хабар берилган эди. Бу ҳақда Вазирлар Маҳкамасининг 23 март куни қабул қилинган «Коронавирус инфекцияси тарқалишига қарши қўшимча чора-тадбирлар тўғрисида» қарорида белгиланган.
Унга кўра, бир қатор чоралар амалга оширилди. Жумладан, Ўзбекистонда 24 мартдан бошлаб фуқаролар томонидан интернет ва телефон алоқаси учун тўловларни ўз вақтида амалга оширмаганлик учун 2 ой давомида ўчирилишига йўл қўйилмаслиги белгиланган.
Мавзуга доир: Тармоқларда коронавирус билан боғлиқ тарқалаётган фейк хабарлар ҳақида маълумот берилди
Мазкур қарорга кўра, лицензия асосида фаолият юритаётган телекоммуникация операторлари ва провайдерлари, икки ой давомида симли телефон алоқаси (халқаро телефон сўзлашувлардан ва мобил алоқасидан ташқари) ҳамда интернет жаҳон ахборот тармоғига симли ва симсиз уланиш хизматлари учун тўловлар ўз вақтида амалга оширилмаган ҳолларда абонентлар тармоқдан ўчирилмаслиги таъминланади.
Мавзуга доир: «Текин эмас, тўлови кечиктирилган». Ўзбекистонда интернет ва телефон алоқасидан икки ой давомида фойдаланиш ҳақида
Хусусан, Ўзбекистонда коронавирус бўйича карантин режими эълон қилинган вақтдан бошлаб барча телекоммуникация операторлари умумтаълим мактаблари ва мактабгача таълим муассасалари тарбияланувчилари уйдан бемалол фанларни ўзлаштириш учун Халқ таълими вазирлиги портали, Республика болалар кутубхонаси веб-сайти, Муҳаммад ал-Хоразмий номидаги ихтисослаштирилган мактаб веб-портали, маҳаллий видеоманбага , «ЗиёНЕТ» таълим портали ва Edu Маркет, Online Мактаб, MOOC каби таълим манбаларининг веб-сайтларга бепул киришни таъминлаб берди.
Фуқароларни охирги янгиликлардан хабардор қилиш мақсадида телекоммуникация операторлари абонентларига энг кўп ўқийдиган оммавий ахборот воситаларининг манбаларидан — daryo.uz, узрепорт.news, xabar.uz, gazeta.uz, kun.uz, podrobno.uz, repost.uz, uznews.uz, spot.uz бепул фойдаланиш имкони тақдим этилди.
Жамоатчиликни коронавирус тўғрисида хабардор қилиш ва тарқалишининг олдини олиш учун амалга оширилаётган чора-тадбирлар ҳақида расмий веб-сайтига кириши ҳам бепул қилинган. Мазкур манбада коронавирус ҳақида ва Ўзбекистонда коронавирусга қарши олиб борилаётган чора-тадбирлар тўғрисида объектив ва ишончли маълумотларга эга бўлиш мумкин.Ўзбекистонда коронавирус масаласида ишончли маълумотга эга бўлиш учун 16 мартдан Тошкентда фуқароларимиздан коронавирус инфекцияси юзасидан туғилган саволларига ўз вақтида жавоб олиш мақсадида Соғлиқни сақлаш вазирлиги Call-марказининг қисқа «1003» ягона рақами 24 соат давомида ишлаб турибди. Фуқаролар томонидан амалга ошириладиган қўнғироқлар барча телекоммуникация операторлари ва провайдерлари томонидан республикада бепул амалга оширилмоқда.
Изоҳ (0)