Буюк Британия бош вазири Борис Жонсон коронавирусга чалинди, деб хабар бермоқда Meduza. Бу ҳақда у Twitter’даги саҳифасида маълум қилган.
«Сўнгги 24 соат ичида менда енгил симптомлар сезилди. Коронавирусга топширган тестимнинг натижаси ижобий чиқди», — деган у ва видеомурожаати якунида барчани уйда қолишга чақирган.
Over the last 24 hours I have developed mild symptoms and tested positive for coronavirus.
I am now self-isolating, but I will continue to lead the government’s response via video-conference as we fight this virus.
Together we will beat this. #StayHomeSaveLives pic.twitter.com/9Te6aFP0Ri— Boris Johnson (@BorisJohnson) March 27, 2020
Айни вақтда уйда изоляцияга олинган сиёсатчи ҳукуматни видеоконференцалоқа орқали бошқаришда давом этади.
25 март, чоршанба куни, Британия тахти вориси — 71 ёшли шаҳзода Чарльзда ҳам коронавирус аниқланган. Айни вақтда шаҳзода ва рафиқаси ўзини изоляция қилган.
26 март ҳолатига кўра, Буюк Британияда 11 658 кишида коронавирус аниқланган, беморларнинг 578 нафари вафот этган.
Тасдиқланмаган маълумотларга кўра, қиролича Елизавета II коронавирус туфайли халқига телемурожаат билан чиқмоқчи. Агар шундай бўлса, бу унинг 68 йиллик бошқаруви даврида тўртинчи марта режадан ташқари телемурожаати бўлади.
Аввалроқ Британиядаги hVIVO тадқиқот гуруҳининг коронавирусга қарши вакцина ишлаб чиқиш ва шунга ўхшаш вирусни юқтириш дастурида иштирок этишга 20 мингдан ортиқ одам рози бўлгани хабар берилганди.
