Buyuk Britaniya bosh vaziri Boris Jonson koronavirusga chalindi, deb xabar bermoqda Meduza. Bu haqda u Twitter’dagi sahifasida ma’lum qilgan.
“So‘nggi 24 soat ichida menda yengil simptomlar sezildi. Koronavirusga topshirgan testimning natijasi ijobiy chiqdi”, — degan u va videomurojaati yakunida barchani uyda qolishga chaqirgan.
Over the last 24 hours I have developed mild symptoms and tested positive for coronavirus.
— Boris Johnson (@BorisJohnson) March 27, 2020
I am now self-isolating, but I will continue to lead the government’s response via video-conference as we fight this virus.
Together we will beat this. #StayHomeSaveLives pic.twitter.com/9Te6aFP0Ri
Ayni vaqtda uyda izolyatsiyaga olingan siyosatchi hukumatni videokonferensaloqa orqali boshqarishda davom etadi.
25-mart, chorshanba kuni, Britaniya taxti vorisi — 71 yoshli shahzoda Charlzda ham koronavirus aniqlangan. Ayni vaqtda shahzoda va rafiqasi o‘zini izolyatsiya qilgan.
26-mart holatiga ko‘ra, Buyuk Britaniyada 11 658 kishida koronavirus aniqlangan, bemorlarning 578 nafari vafot etgan.
Tasdiqlanmagan ma’lumotlarga ko‘ra, qirolicha Yelizaveta II koronavirus tufayli xalqiga telemurojaat bilan chiqmoqchi. Agar shunday bo‘lsa, bu uning 68 yillik boshqaruvi davrida to‘rtinchi marta rejadan tashqari telemurojaati bo‘ladi.
Avvalroq Britaniyadagi hVIVO tadqiqot guruhining koronavirusga qarshi vaksina ishlab chiqish va shunga o‘xshash virusni yuqtirish dasturida ishtirok etishga 20 mingdan ortiq odam rozi bo‘lgani xabar berilgandi.
Izoh (0)