Saudiya Arabistoni podshohi Salmon bin Abdulaziz al-Saud 23-martdan boshlab shaharlar aholisining harakatlanishiga taqiq kiritilishi haqidagi farmonni qabul qildi, deb xabar beradi “RIA Novosti”.

Foto: AP Photo

Komendantlik soati koronavirus tarqalishi oldini olish maqsadida kechki soat 19:00 dan ertalabki soat 06:00 gacha 21 kun davomida amal qiladi.

Avvalroq koronavirus epidemiyasi sababli mamlakatdagi barcha masjidlarda jamoat namozlarini ado etish taqiqlangandi.

Oxirgi kunlarda podshohlikda koronavirusga chalinganlar soni keskin ko‘payib ketgan. Ayni vaqtda mamlakatda kasallikka chalinganlar soni 511 nafarni tashkil qilmoqda.

Eslatib o‘tamiz, 20-mart kuni Birlashgan Arab Amirliklarida koronavirusdan ikki kishi vafot etgan. So‘nggi ma’lumotlarga ko‘ra O‘zbekistonda virusni yuqtirib olganlar soni 46 kishiga yetgan.