Канада Олимпия ва Паралимпия қўмиталари спортчиларни Токио—2020 Олимпиадасига юбормаслигини маълум қилди.
«Канада Олимпия қўмиталари 2020 йилги Олимпия ва Паралимпия ўйинларига канадалик спортчиларни юбормаслик қарорига келди... Биз Халқаро Олимпия қўмитаси (ХОҚ), Халқаро Паралимпия қўмитаси (ХПҚ) ва Бутунжаҳон соғлиқни сақлаш ташкилотидан ёзги ўйинларни 2021 йилга суришни қатъий сўраб қоламиз», — дейилари ташкилотлар мурожаатида.
Канада томони гап нафақат спортчилар, балки, бутун жамият соғлиғи ҳақида кетаётганини алоҳида таъкидлаган. Шу билан бирга Олимпиада қолдириладиган бўлса, керакли ёрдамни беришга тайёрлигини билдирган.
Аввалроқ ХОҚ раҳбари Томас Бах Олимпия ўйинларини суриш масаласи яқин тўрт ҳафта мобайнида кўриб чиқилишини маълум қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)