Kanada Olimpiya va Paralimpiya qo‘mitalari sportchilarni Tokio—2020 Olimpiadasiga yubormasligini ma’lum qildi.
“Kanada Olimpiya qo‘mitalari 2020-yilgi Olimpiya va Paralimpiya o‘yinlariga kanadalik sportchilarni yubormaslik qaroriga keldi... Biz Xalqaro Olimpiya qo‘mitasi (XOQ), Xalqaro Paralimpiya qo‘mitasi (XPQ) va Butunjahon sog‘liqni saqlash tashkilotidan yozgi o‘yinlarni 2021-yilga surishni qat’iy so‘rab qolamiz”, — deyilari tashkilotlar murojaatida.
Kanada tomoni gap nafaqat sportchilar, balki, butun jamiyat sog‘lig‘i haqida ketayotganini alohida ta’kidlagan. Shu bilan birga Olimpiada qoldiriladigan bo‘lsa, kerakli yordamni berishga tayyorligini bildirgan.
Avvalroq XOQ rahbari Tomas Bax Olimpiya o‘yinlarini surish masalasi yaqin to‘rt hafta mobaynida ko‘rib chiqilishini ma’lum qilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)