«Интер» «Манчестер Юнайтед»дан ижарага олинган Алексис Санчесни мавсум сўнгида сотиб олмайдиган бўлди, деб ёзади Calciomercato.
Миланликларнинг бундай қарорга келишига бир неча омиллар сабаб бўлган. Жумладан, сурункали жароҳатлар, трансфер нархи ва маошнинг юқорилиги «Интер»нинг Санчесни тўлиқ сотиб олиш ниятидан қайтишига олиб келган.
Клуб раҳбарияти Санчесни «Юнайтед»га қайтариб юборгач, икки ҳужумчи сотиб олиш ниятида. Улардан бири Ромелу Лукаку сингари катта гавдага эга бўлиши, иккинчиси эса тезкор форвард бўлиши кутилмоқда.
Нашрга кўра, жамоанинг айни дамдаги асосий ҳужумчиларидан бири Лаутаро Мартинес катта эҳтимол билан ёзги трансферлар вақтида клубдан кетади. Унинг хизматларига «Барселона» жиддий қизиқиш билдирмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)