ПСЖ ҳужумчиси Неймар «Барселона» раҳбариятига қайтишини маълум қилди, дея хабар қилмоқда Sport.
Бразилиялик футболчи каталониялик сафига қайтиш учун ПСЖ эгаларига босим ўтказмоқчи.
Таъкидланишича, Неймар ўз юристлари ва «Барселона» вакиллари кўмагида шартномани ҳеч қандай сабабсиз, бир томонлама бекор қилишгача бориши мумкин. Юристларнинг ҳисоб-китобига кўра, ПСЖ билан амалдаги шартномани бекор қилиш 180 миллион еврога тушиши мумкин.
Аввалроқ «Барселона» сардори Лионель Месси бразилиялик футболчи жамоага қайтарилган тақдирдагина клубда қолиши ҳақида хабарлар тарқалганди.
Неймар 2017 йилнинг ёзида 222 миллион евро эвазига «Барселона»дан парижликлар сафига йўл олганди. Ўтган давр мобайнида бразилиялик футболчи «кўк-анорранглилар» сафига қайтишга бир неча бор уриниб кўрди, бироқ улар самарасиз якунланганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)