«Реал» футбол клуби ҳимоячиси Серхио Рамос мадридликлар билан янги шартнома борасида келиша олмаяпти.
Marca’нинг хабар қилишича, «Реал»да 32 ёшдан катта футболчилар билан бир йилдан ортиқ муддатга шартнома имзоламаслик қоидаси бор. Жамоа сардори ҳам бундан мустасно эмас. Рамос эса бир йилдан узоқроқ муддатли келишув хоҳламоқда. Бу ҳолат тортишувга сабаб бўлиши мумкин.
Рамос 2005 йилнинг ёзидан буён «Реал» сафида тўп суриб келади. Мадридликлар уни 27 миллион евро эвазига «Севилья»дан сотиб олганди. Жорий мавсум 33 ёшли футболчи Испания чемпионатида 25 ўйин ўтказди ва бешта гол уришга эришди. Унинг «қаймоқранглилар» билан амалдаги шартномаси 2021 йилга қадар мўлжалланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)