Кинорежиссёр Нозим Аббосов 21 март куни 58 ёшида оламдан ўтди. Бу ҳақда Маданият вазирлиги хабар қилди.
Нозим Аббосов 1962 йилда таниқли режиссёр Шуҳрат Аббосов хонадонида таваллуд топган. Фаолиятини 1984 йилда постановкачи рассом сифатида бошлаган.
У режиссёр сифатида «Феллини», «Ойдиной», «Абадият чархи», «Дилор, Дилор... дил ва ор», «Саид ва Саида» каби фильмларни суратга олган.
Маълумот учун, Нозим Аббосовнинг отаси Шуҳрат Аббосов 2018 йил 25 апрель куни вафот этган эди.
Аввалроқ, 20 март куни таниқли актриса, ўзбек дубляж усталаридан бири, халқ артисти Ойбарчин Бакирова вафот этгани ҳақида хабар берилган эди.
Изоҳ (0)