«Ливерпуль» клубининг собиқ ярим ҳимоячиси Стив Макманаман «қизиллар» ҳужумчилари Муҳаммад Салоҳ ва Садио Маненинг келажаги борасида гапирди.
Аввалроқ ҳар икки футболчига «Реал» ва «Барселона»дан қизиқиш борлиги хабар қилинганди.
«Реал»да ҳозир Эден Азар бор, улар ўтган ёзда Родригони сотиб олди ва яқинда Рейньерга умид боғлади. Шундай экан, мен бундай миш-мишларга эҳтиёткорлик билан ёндашган бўлардим.
Чемпионлар Лигасида юзага келган омадсизликка қарамай инглиз клублари айни дамда жаҳонда энг зўри. «Реал» ва «Барселона» эса йўқ.
Бу икки клуб ҳаммасини бошидан бошлаш ва янги футболчилар жалб қилиш ниятида. «Реал» ва «Барселона» ҳайрон қоларли мавсум ўтказмоқда, шундай экан улар таркибни кучайтиришни истайди.
Шунга қарамасдан, мен Садио Мане ва Муҳаммад Салоҳнинг «Реал» ёки «Барселона»га ўтиш эҳтимоли бор деб ўйламайман», — дейди Макманаман.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)