Izolyatsiya vaqtida zerikmaslik uchun biror qiziqarli mashg‘ulot bilan shug‘ullanish kerak. Masalan, qiziqarli serialni tomosha qilish mumkin. “Filmpro” har qanday tomoshabinlar didiga mos keluvchi beshta serialni to‘plab taqdim etdi.
“Lokklar kaliti”
Netflix servisining yangi seriali amerikalik yozuvchi Jo Xilning komikslar seriyasiga asoslangan. Yosh chegarasi cheklangan ushbu serial boshqotirma-triller janrida suratga olingan. Bosh qahramonlar sirli “Kalitlar uyi” haqidagi jumboqni yechishlari lozim. Syujet Lokklar oilasi atrofida shakllanadi. Uch nafar farzandidan ayrilgan ayol “qarg‘ishga uchragan” deya ta’riflanuvchi joyga ko‘chib o‘tadi. Voqealarning asosiy qismi aynan shu yerdan boshlanadi.
“Begona”
Oklaxoma shtatining unchalik katta bo‘lmagan Flint-Siti shahrida maktab o‘quvchisini vahshiylarcha o‘ldirib ketishadi. Politsiya voqea joyidan erkak kishining — fojia sodir bo‘lgan vaqtida boshqa joyda bo‘lgan kamsuqum futbol murabbiyining barmoq izlarini topadi. Ishni olib borayotgan detektiv gumonlanuvchini hibsga olishni buyuradi, biroq u o‘sha vaqtda o‘zining boshqa joyda bo‘lganini isbotlovchi dalillarni keltiradi. Serial Stiven Kingning romaniga asoslangan.
“Ovchilar”
“Ovchilar” — “Nari tur” va “Biz” kabi qo‘rqinchli filmlarni suratga olgan Jordan Pilning prodyuserlik loyihasi hisloblanadi. Voqealar 1970-yillarning oxirida Nyu-Yorkda sodir bo‘ladi. Natsistlarni qidiruvchi bir guruh ovchilar Uchinchi reyxning qulashidan mo‘jizaviy tarzda omon qolgan yuzlab yuqori martabali natsistlar Amerikada yashayotgani va ular to‘rtinchi reyxni amalga oshirishni rejalashtirayotganidan xabar topadi. Shunda ongli amerikaliklar ularni ovlashga chiqadi, maqsad — fashistlarni javobgarlikka tortib, yovuzliklarining oldini olish. Tomoshabin bosh rollardan birini ijro etgan Al Pachinoning mahoratiga beixtiyor yana bir bor tan beradi.
“Yangi papa”
Rejissor Paolo Sorrentino tomonidan 2016-yilda taqdim etilgan “Yosh papa”ning uzoq kutilgan davomi. Mualliflar “Yangi papa” serialini mutlaqo alohida mavzu sifatida suratga olgan. Loyihaning o‘ziga xosligi serial Vatikanda suratga olingan. Sorrentinoning serialni tasvirga olishiga amaldagi Rim papasining shaxsan o‘zi ruxsat bergan. Serial o‘zining yorqin syujeti bilan birga, tomoshabinga taniqli aktyorlar tomonidan ijro etilgan rollar bilan ham xush yoqadi. Yangi papa rolini Jon Malkovich ijro etgan bo‘lib, kadrda, albatta, Jud Louga duch kelish mumkin.
“Drakula”
Benedikt Kemberbetch ijrosidagi “Sherlok” serialining mualliflari ko‘p marotaba ekranlashtirilgan graf Drakulaning hayot tarzini ochib berishga uringan. Mish-mishlarga ko‘ra, hikoyaning asosiy qismidan aynan Drakula o‘rin olgan — u seriyaning bosh qahramoniga aylangan, boshqa filmlarda esa bu personaj asosiy qahramonlarga qarshi, ya’ni ikkinchi darajali rol sifatida qaralgan. Serial formati xuddi “Sherlok”dagi kabi: birinchi mavsumda uchta 1,5 soatlik epizodlarni tomosha qilish mumkin.
Izoh (0)