Бугун, 20 март куни, Тошкент метрополитенининг Юнусобод линияси вақтинча ёпилди. Бу ҳақда «Тошкент метрополитени» УК маълум қилди.
Қайд этилишича, йўналиш янги станцияларни ишга туширишга тайёргарлик кўриш мақсадида ва техник ишлар олиб борилиши муносабати ёпилган.
Юнусобод метро линияси кеча, 19 март куни, ҳам янги станцияларни ишга туширишга тайёргарлик кўриш учун ёпилган, аммо йўловчилар бу ҳақда олдиндан огоҳлантирилмаганди.
«Ко дну» канали «Йўловчилар олдиндан огоҳлантирилдими? Дублёр автобус қўйиш ҳақида ўйлаб кўрилмайдими? Метро қачон очилиши айтилмайдими?», деган саволларни ўртага ташлаганди.
Ўзбекистон темир йўллари матбуот хизмати бундай хабарларни ёритувчи блоггер ва журналистлардан янги объектларини қуришда техник томон билан боғлиқ бундай режалаштирилмаган чоралар кўрилаётганини тўғри тушунишларини ва аҳоли ўртасида салбий талқинларни тарқатмасликни сўраган.
Изоҳ (0)