Самарқандда жиноятини яшириш эвазига ИИБ ходимига 7 миллион сўм пора бермоқчи бўлган шахс қўлга олинди. Бу ҳақда «Дарё»га вилоят ИИБ ахборот хизмати хабар бермоқда.
Маълум бўлишича, 18 март, чоршанба куни, Самарқандда ҳуқуқни муҳофаза қилувчи орган ходимлари ҳамкорлигида тезкор тадбир ўтказилган. Тадбирда Пахтачи тумани «Зарафшон» маҳалласида яшовчи фуқаро Ж.З. хонадонидан таркибида олтин моддаси бўлган 30 қоп ишлов берилмаган қум ва қум ювиш учун мўлжалланган 3 та ускуна борлиги аниқланган.
Ушбу ҳолатни расмийлаштириш жараёнида фуқаро Ж.З. қилмиши фош бўлмаслиги эвазига Самарқанд ИИБ Транспортда хавфсизликни таъминлаш бошқармаси ҳузуридаги тергов бўлими терговчисига 500 доллар пора таклиф қилади.
Мазкур ҳолат юзасидан ўтказилган тезкор тадбир давомида фуқаро Ж.З. ИИБ ходимига жами 7 миллион сўм пора бераётган вақтида қўлга олинди.
Ҳолат юзасидан тергов-суриштирув жараёнлари бошлаб юборилган.
Изоҳ (0)