Юқумли касалликлар профилактикаси мақсадида антивирус дориларини ва антибиотикларни ичиш умуман тавсия этилмайди. Бу ҳақда 17 март, сешанба куни, ўтказилган матбуот анжуманида Вазирлар Маҳкамаси ҳузуридаги Санитария-эпидемиология назорати давлат инспекцияси раҳбари Нурмат Отабеков маълум қилди.
«Дарё» мухбири Мусулмонбек Иброҳимовнинг хабар беришича, тиббиёт фанлари доктори, профессор Нурмат Отабеков коронавирусга қарши саримсоқ пиёз ва сиркали сув ҳақидаги ижтимоий тармоқларда тарқалган хабарларга изоҳ берди.
Юқумли касалликлар профилактикаси мақсадида антивирус дориларни ва антибиотикларни ичиш умуман тавсия этилмайди. Бу каби дориларни — ҳар хил иммун тизимини кўтарадиган дориларни тавсия қилиш — бу умуман нотўғри. Иммун тизимини кўтарадиган дорилар вирусга қарши ҳеч қандай таъсир кучига эга эмас.Коронавирус касаллиги қуруқ йўтал клиник белгисига эга. Қуруқ йўтал оғиз бўшлиғини қуриши билан боғлиқ. Демак, биз оғиз бўшлиғини ҳўл ҳолатда ушласак, ўша вирусни оғиз бўшлиғидаги тўқималар орқали ичкарига киришига йўл қўймаймиз. Оғиз ва бурнимизни тез-тез чайиб турадиган бўлсак, буни фақат фойдаси бор. Ошқозонга тушган вирус ошқозон кислотасида нобуд бўлади.
Сувга уксус аралаштириб ичиш оғиз бўшлиғини баттар яллиғлаши ва вирус кириш мумкин бўлган жойнинг пайдо бўлишига олиб келади
Саримсоқ пиёзни истеъмол қилиш мумкин. Лекин бир жиҳатга эътибор бериш керак. Саримсоқ пиёз бир вақтнинг ўзида ҳам антибактериал, ҳам антивирус препарат эмас. Шундай экан саримсоқ пиёзни бошқа кўкатлар билан аралаштирган ҳолда истеъмол қилиш мумкин.
Ижтимоий тармоқлардаги нотўғри, асосланмаган ва ўз тасдиғини топмаган номутахассислар томонидан билдирилган маълумотларга ишонмаслик керак.
Нурмат Отабеков, Вазирлар Маҳкамаси ҳузуридаги Санитария-эпидемиология назорати давлат инспекцияси раҳбари
Изоҳ (0)