Қозоғистонда 2018 йилда туғилган болакайда коронавирус аниқланди. Бу ҳақда мамлакат Соғлиқни сақлаш вазирлиги расмий вакили Диас Аҳмецҳарифга таяниб, «РИА Новости» хабар берди. Қозоғистонда коронавирус билан касалланганлар сони 13 кишига етган.
Аниқланишича, касалликни юқтириб олган қизалоқ Олмаотага Берлиндан Минск орқали учиб келган. Болакай шаҳар юқумли касалликлар шифохонасига ётқизилган.
Қозоғистонда коронавирус тарқалиши муносабати билан 16 мартдан 15 апрелга қадар фавқулодда ҳолат режими жорий қилинди. Бу даврда қозоғистонликлар мамлакатни тарк эта олмайди (хорижга даволаниш учун кетаётганлардан ташқари).
Мамлакатда оммавий тадбирлар бекор қилинди, мактаб ўқувчилари таътилга эртароқ чиқди, давлат органларига хорижга хизмат сафарига чиқиш тақиқланди. Фуқароларга қўл бериб кўришмаслик тавсия қилинди.
Мавзуга доир:
Маълумот учун, 16 март ҳолатига кўра Ўзбекистонда коронавирусга чалинганлар сони 8 кишини ташкил этмоқда. 5,6 мингдан ортиқ фуқаро эса карантинга олинган.
Изоҳ (0)