Испания қироли Филипп VI отаси, собиқ монарх Хуан Карлос I дан оладиган меросдан, шунингдек, келиб чиқиши ноқонуний бўлиши мумкин бўлган ҳар қандай активлар, инвестициялар ёки молиявий тузилмалардан воз кечишга қарор қилди. «РБК»нинг хабар беришича, бу ҳақда Испания қироллик саройи баёнотида айтилган.
Ушбу баёнотни Филипп VI отасининг Саудия Арабистонидан олинган пулларни бошқариш учун яратган Панамадаги Lucum Жамғармасидан фойда олувчи бўлиши мумкинлиги ҳақидаги маълумотлар фонида эълон қилган.
Қайд этилишича, прокурорлар Панамадаги жамғарма номидан очилган Хуан Карлос I нинг Швейцария ҳисоб рақамига 100 миллион доллар ўтказилишини текширмоқда.
Қироллик саройи баёнотида таъкидланишича, Филипп VI унинг ушбу жамғарманинг бенефициари этиб тайинлангани ҳақида ҳеч нарса билмайди. Шу билан бирга, 2019 йил март ойида қирол Британиянинг Kobre & Kim юридик фирмасидан Lucum Foundation’нинг бенефициари этиб тайинланганлиги тўғрисида хат олганлигини рад этилмаган. Бироқ ушбу маълумотни тасдиқловчи ҳеч қандай ҳужжат келтирилмаган.
Филипп VI тахтга 2014 йил 19 июнда, отаси Хуан Карлос I қироллик ҳокимиятидан воз кечганидан сўнг ўтирган. Ўша пайтда 76 ёшда бўлган собиқ қирол, тахтга ўтиришда ёш монархнинг вақти келганлигини айтган.
Изоҳ (0)