24 мартидан бошлаб 4—11-синф, академик лицейлар ва касб-ҳунар коллежлари ўқувчилари ўртасида математика, физика, кимё, биология ҳамда информатика ва ахборот технологиялари фанларидан онлайн олимпиадалар ташкил этилиши режалаштирилмоқда. Бу ҳақда Халқ таълими вазирлиги матбуот хизмати «Дарё»га маълум қилди.
Вазирлик берган маълумотга кўра, ўқувчилар олимпиадада бепул ва ихтиёрий равишда иштирок этиши мумкин. Бунинг учун иштирокчилар «Olympiad.uzedu.uz» сайти орқали онлайн рўйхатдан ўтиши ва таҳсил олаётган таълим муассасаси раҳбарияти томонидан тасдиқланиши керак бўлади.Онлайн олимпиадаларни фанлар бўйича ўтказиш жадвали «Olympiad.uzedu.uz» веб-сайтида эълон қилиб борилади.
Мавзуга доир: Шерзод Шерматов мактабларда қайси ходимлар фаолиятини иш жойида амалга ошириши ҳақида маълумот берди
Онлайн олимпиада топшириқлари мураккаблик даражаси турлича бўлган 20 та тест саволидан иборат бўлиб, топшириқларни бажариш учун ўқувчиларга бир соат вақт ажратилади.
Халқ таълими вазирлиги ота-оналардан фарзандларининг таътил пайтида дам олишлари ва вақтларини самарали ўтказишларини, дарсларини ўз вақтида қилишларини назоратга олишларини сўрайди.
Изоҳ (0)