Охирги бир сутка давомида бутун дунёда коронавирус юқтириш бўйича 13 903 та ҳолат кузатилган. Бу ҳақда Жаҳон соғлиқни сақлаш ташкилоти ўз ҳисоботида маълум қилди. Шу тариқа, бутун дунёда коронавирус панемияси бошланганидан бери COVID-19 билан касалланган одамлар сони 167 511 нафар етди.
Янги ҳолатларнинг деярли ҳаммаси — 13 874 та ҳолат 2019 йил декабридан бери коронавирус ўчоғи бўлган Хитойдан ташқарида қайд этилган. Хитой ҳудудида охирги бир сутка ичида атиги 29 та янги ҳолат қайд этилган.
Бундан ташари, бошқа хориж давлатларида 848 нафар одам коронавирус келтириб чиқарган пневмониядан вафот этган бўлса, Хитойда касалликдан ўлганлар сони 14 нафарни ташкил этмоқда.
ЖССТ ахборотига кўра, Хитойдан бошқа мамлакатларда ўлим кўрсаткичи Хитойдагидан анча баланд ва энди ташкилот ҳисоботларида Хитой алоҳида қаторда белгиланган ҳолда қайд этилмайди.
Шунингдек, яна тўртта давлат ўз ҳудудида коронавирус билан касалланиш бўйича илк ҳолат қайд этилганини хабар қилган, дейилади ЖССТ ҳисоботида. Булар — Ўзбекистон, Уругвай, Руанда ва Сейшел ороллари.
13 март куни ЖССТ Европани коронавирус пандемиясининг асосий ўчоғи деб эълон қилган. Сўнгги вақтларда қитъада касалланиш кўрсаткичи Хитойда чўққига чиққан вақтдагидан ҳам кўпроқ кузатилган.Энг кўп касалланганлар Италияда (25 минг киши), шунингдек Испания (8 мингта ҳолат), Франция (5 мингдан зиёд одам касалланган) ва Германияда (тахминан 5 минг нафар одам коронавирус юқтириб олган) ҳам эпидемиологик вазият яхши эмас.
16 март кун Франция президенти Эммануаэл Макрон Шенген ҳудуди чегаралари ва Европа иттифоқи 17 мартдан 30 кунга ёпилганини эълон қилди.
Шунингдек, Францияда фуқароларнинг мамлакат ҳудудида кўчиб юришига чекловлар қўйилган. Макрон Франция аҳолисига мурожаат қилиб, фақат зарурат бўлган ҳоллардагина бошқа манзилга кўчишни тавсия қилди.
Мавзуга доир:
Изоҳ (0)