Хитой Соғлиқни сақлаш миллий комиссияси вакили Ми Фен 12 март куни мамлакатда коронавирус пандемиясининг энг юқори чўққиси ортда қолганини маълум қилган эди. TJournal’нинг ёзишича, мамлакатда иқтисодий фаоллик қайта тикланмоқда.
Хитой ҳукумати секин-аста жамоат транспортлари, бизнес ва ишлаб чиқаришга қўйилган чекловларни олиб ташламоқда. 2003 йилда SARS вируси билан бўлгани каби коронавирус тўлқини яна қайтарилмаслиги учун барча чоралар кўриляпти.
Мамлакатдаги бизнеслар ўзи ишини қайта йўлга қўймоқда. Халқаро брендлар орасида биринчилардан бўлиб Starbucks ўзига қарашли 85 фоиз қаҳвахоналар ишини 27 февралдаёқ яна очиб юборган.
Шунингдек, Apple, Hermes, IKEA ва Uniqlo дўконлари ҳам қайта очилган. Автомобиль ишлаб чиқарувчилар одатдаги иш режимини бошлаган, бироқ барча ходимларнинг тана ҳарорати текширилмоқда ва уларга ниқобда юриш буюрилган.
Экспертларнинг фикрича, Хитойда COVID-19 коронавируси оқибатида вафот этаётганлар сонини тезкорлик билан амалга оширилган ҳаракатлар, инфекция ўчоғи бўлган шаҳарларни ёпиш ва қаттиқ карантин режими сабаб тўхтатишга эришилган.
Мавзуга доир:
Изоҳ (0)