Хитойлик олимлар дунё миқёсида давом этаётган пандемиянинг қанчалик оғир ўтишини касалликдан шифо топган беморларнинг респиратор намуналарини ўрганиш жараёнида маълум қилди. Коронавирус РНКси минимум 20 кун сақланиб туради, вирусни аниқлаш бўйича унинг фаоллиги 37 кун давом этиши мумкин, деб ёзмоқда The Lancet илмий журнали.
Олимларнинг ушбу тахмини ХХРда COVID-19 билан касалланган 191 нафар беморнинг касаллик тарихи ва лабаратория маълумотларини таҳлил қилиш асосида чиқарилган. Касалликлар тарихларига кўра, беморларнинг 54 нафари вафот этган.
Тадқиқотнинг натижалари беморларни изоляция қилиш ва уларни даволашни давом эттиришда муҳим аҳамият касб этади, дея таъкидлаган хитойлик олимлар.
Айни вақтда коронавирус юқтириб олган беморнинг карантинда сақлаш даври 14 кунни ташкил қилади. Лекин вирус касаллик аломатлари йўқолганидан кейин ҳам яшашда давом этар экан, тузалган беморлар инфекция тарқатувчиси сифатида карантиндан чиққандан кейин яна касалланадиганлар сонини кўпайтириб юбориши мумкин.13 март ҳолатига кўра, бутун дунёда 134 мингдан зиёд одам COVID-19 билан касалланган, 70 минг нафардан кўпроқ одам ундан тузалган. Қурбонлар сонининг 5 минг нафардан зиёд экани хабар қилинмоқда.
Изоҳ (0)