Футбол бўйича Ўзбекистон Суперлигасининг 3-турида «Пахтакор» 14 март, шанба куни «Металлург» билан баҳс юритди.
Тошкентдаги «Пахтакор» стадионида бўлиб ўтган ўйинда Шота Арвеладзе шогирдларининг қўли баланд келди. Учрашувнинг 30-дақиқасида Драган Черан «шерлар»нинг дастлабки голини урди. Орадан бир дақиқа ўтиб Игор Сергеев ҳисобни 2:0 кўринишига келтирди.
Иккинчи бўлимда томошабинлар яна учта голга гувоҳ бўлди. «Пахтакор» сафида Жалолиддин Машарипов (53) ва Эрен Дердийок (72) ўз ҳисобига гол ёздириб қўйган бўлса, меҳмонларнинг ягона жавоб тўпига Мурод Бобожонов (69) муаллиф бўлди.
Шу тариқа «Пахтакор» очколарини 9 тага етказиб олган ҳолда биринчи ўринда бормоқда. «Металлург» (4) эса мавсумдаги илк мағлубиятини қабул қилиб олди.
Суперлига
3-тур баҳслари
14 март, шанба
«Пахтакор»—«Металлург» 4:1
Голлар: 1:0 — 30 Черан, 2:0 — 31 Сергеев, 3:0 — 53 Машарипов, 3:1 — 69 Бобожонов, 4:1 — 72 Дердийок«Пахтакор»: Элдор Суюнов, Ҳожиакбар Алижонов, Анзур Исмоилов, Егор Кримец, Фарруҳ Сайфиев, Аброр Исмоилов, Одил Ҳамробеков, Достонбек Ҳамдамов (Асад Собиржонов, 79), Драган Черан (Сардор Собирхўжаев, 84), Жалолиддин Машарипов, Игор Сергеев (Эрен Дердийок, 62).
«Металлург»: Александр Лобанов, Аббос Отахонов, Дониёр Нарзуллаев, Саламат Қутибоев (Евгений Чумак, 52), Шаҳзод Убайдуллаев, Аброр Тошқўзиев (Мурод Бобожонов, 46), Камолиддин Тожиев, Ихтиёр Тошпўлатов, Станислав Андреев, Акбар Исматуллаев, Муҳаммад Исаев (Абдураҳмон Абдулҳақов, 73).
Огоҳлантиришлар: Тожиев (40), Нарзуллаев (58).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)