Туркманистон билан чегараларнинг ёпилишидан сўнг Қозоғистоннинг Ақтау шаҳрида помидор ва бодрингнинг нархи икки бараварга қимматлашди, деб хабар берди «Хроники Туркменистана».
Мева-сабзавот етказиб бериш улгуржи компанияси бош директори Туркманистон чегарани ёпиб қўйгандан сўнг маҳаллий иссиқхона дарҳол ўз маҳсулотлари нархини кўтаришга киришаётганини айтган.
Қозоғистонлик экспертларнинг фикрича, Туркманистон чегараларни маҳаллий фермерлар сабзавотларни экспорт қилмаслиги ҳамда ўз бозорида уларнинг нархи тушиши учун ёпган.
Бироқ бу Туркманистон билан чегарадош Манғистов вилоятига таъсир кўрсатди, бу ерда сабзавот нархи икки баробарга ошди. Ҳудудда помидор билан бодринг ананасдан ҳам қимматроққа сотилмоқда.
Расмийларнинг фикрича, минтақадаги вазиятни коронавирус ва доллар курсининг ошиши ҳам оғирлаштирди.
Карантин туфайли Эрондан товарлар етказиб бериш тўхтатилди ва Туркиядан улар қиммат келмоқда.
Маълумот учун, Эрон—Туркманистон чегараси январь ойида ёпилган, ушбу воқеадан сўнг Туркманистонда Эрондан кириб келадиган Coca-Cola ва тамаки маҳсулотлари йўқолиб қолганди.
Изоҳ (0)