АҚШнинг Нью-Йорк шаҳрида 13 март, жума куни, «Коронавирус фонида бизнес юритиш» (Doing Business Under Coronavirus) конференцияси ўтказилиши керак эди. Тадбир коронавирус туфайли қолдирилди, деб ёзади Meduza.
Ушбу конференция халқаро муносабатлар бўйича Америка кенгаши томонидан ташкиллаштирилаётган эди. Кенгаш коронавирус бўйича конференциядан ташқари 11 мартдан 3 апрелга қадар ўтказилиши режалаштирилган бошқа тадбирларни ҳам бекор қилди.
Бундан ташқари коронавирус эпидемияси туфайли бутун дунёда авиапарвозлар, мусиқа ва фильмлар тақдимотлари, футбол мусобақалари, мода намойишлари, кўргазмалар ҳам бекор қилинмоқда.
Эслатиб ўтамиз, Хитойда янги турдаги COVID-19 коронавируси оқибатида вафот этганлар сони 3158 кишига етди, касалликни юқтириб олганлар сони эса қарийб 81 мингга яқинлашиб қолган.
Мавзуга доир:
- Коронавирус сабаб «Манчестер Сити»—«Арсенал» учрашуви қолдирилди
- Нью-Йоркда ўтказилиши керак бўлган халқаро автошоу коронавирус сабаб август ойига қолдирилди
- Ўзбекистонда ўтказилиши режалаштирилган «Зиёрат туризми ҳафталиги» коронавирус сабабли қолдирилди
- Tashkent Law Spring халқаро юридик форуми коронавирус туфайли қолдирилди
- Коронавирус сабаб дзюдо бўйича барча халқаро мусобақалар май ойигача бекор қилинди
Изоҳ (0)