Тошкентда 2020—2022 йилларда умумий қиймати 9,8 миллиард долларлик 762 та инвестиция лойиҳасини амалга ошириш режалаштирилган. Уларнинг 122 таси давлат дастури, 640 таси ҳудудий инвестиция дастурлари доирасидадир, дея хабар бермоқда Президент матбуот хизмати.
Хусусан, саноат соҳасида 1,8 миллиард долларлик 242 та лойиҳа, хизмат кўрсатиш йўналишида 4,9 миллиард долларлик 337 лойиҳа амалга оширилиши мўлжалланган. Замонавий турар жой қурилиши бўйича 3,3 миллиард долларлик 183 та объект бунёд этилиши кўзда тутилган.
Президент раислигида 7 март куни ўтказилган йиғилишда 2020 йилда Тошкентда жами 4,8 миллиард доллар инвестициялар ўзлаштирилиши натижасида 400 дан ортиқ лойиҳалар фойдаланишга топширилиши маълум қилинди.
«Булар доирасида 32 050 та янги иш ўрни яратилиши режалаштирилган», — дея қўшимча қилинган Президент матбуот хизмати ахборотида.
Изоҳ (0)