Вертолёт ишлаб чиқариш бўйича дунёнинг етакчи компанияларидан бири ҳисобланган Airbus Helicopters Ўзбекистон билан ҳамкорликни кенгайтириш ниятида. Бу ҳақда компаниянинг Марказий Осиё ва Кавказ мамлакатлари бўйича раҳбари Ралф Вебер Ўзбекистон бош вазири ўринбосари — Туризмни ривожлантириш давлат қўмитаси раиси Азиз Абдуҳакимов билан учрашувда шу ҳақида маълум қилган.
Ралф Вебернинг айтишича, вертолёт билан таъминланганлик даражаси бўйича халқаро тажрибага мувофиқ, ҳар 800 минг — 1 миллион аҳолига ўртача 1 вертолёт тўғри келиши керак. Шундан келиб чиқиб, ҳозирги кунда Ўзбекистоннинг ушбу ҳаво транспортига бўлган эҳтиёжини қондириш учун камида 25—30 вертолёт керак.
«Учрашув якунига кўра томонлар вертолётлар ташуви, учувчи, механик, технологлар ва бошқа персонални тайёрлаш, семинар ва тренинглар ташкил қилиш орқали Ўзбекистоннинг хусусий бизнес вакилларини фаол жалб қилиш бўйича қўшма комплекс лойиҳани ишлаб чиқишга келишиб олишди», — дейилади давлат қўмитаси ахборотида.
Ўзбекистон ва вертолётлар:
- Шавкат Мирзиёев Бекободга вертолётда борди (фото)
- Шавкат Мирзиёев Тошкент шаҳар ИИББга вертолётлар ажратиш бўйича топшириқ берди
- 11 апрелдан Тошкент кўчаларида йўл ҳаракати қоидаларига риоя қилинишини патрул вертолёти кузатиб боради
- Франциянинг Airbus компанияси Ўзбекистонга янги вертолётларни етказиб беради
- ФВВ: «Вертолёт керак бўлса, Мудофаа вазирлигидан олиб турамиз»
- Ўзбекистон Мудофаа вазирлигига Россиядан тўртта Ми-35М вертолётлари олиб келинди (фото)
Изоҳ (0)