АҚШнинг Нью-Йорк штатида янги турдаги COVID-19 коронавирус инфекциясининг тарқалиши муносабати билан фавқулодда ҳолат эълон қилинди. Бу ҳақда штат губернатори Эндрю Куомо Twitter’даги саҳифасида маълум қилди.
«Мен коронавирус тарқалиши муносабати билан Нью-Йоркда фавқулодда ҳолат эълон қиламан», — деб ёзган у. Губернаторнинг сўзларига кўра, штатда тасдиқланган касалланиш ҳолатлари сони 76 тага етган, шундан 57 бемор Уэстчестер округида, 11 нафари Нью-Йоркда, тўрт нафари Нассо округида, Рокленд ва Саратога округларида эса икки нафардан.
Куомонинг қайд этишича, фавқулодда ҳолат тартиби касаллик сабаб ўзини ўзи изоляция қилган беморларни назорат қилишда маҳаллий соғлиқни сақлаш департаментларига ёрдам бериш мақсадида зарур материалларни сотиб олиш ва ходимларни ёллаш масаласида давлатга тезроқ ва соддароқ ҳаракат қилиш имконини беради.
АҚШ Касалликлар назорати ва профилактикаси марказлари (CДC) маълумотларига кўра, ҳозиргача АҚШда коронавирус юқтириб олиш билан боғлиқ 164 та ҳолат аниқланган, 11 киши вафот этган. Касалланиш ҳолатлари 19 та штатда қайд этилган.
Мавзуга доир: АҚШда вице-президент ва давлат котиби қатнашган конференциянинг икки иштирокчисида коронавирус аниқланди
Ўзбекистон коронавирусдан холи мамлакат бўлиб қолишда давом этмоқда.
Изоҳ (0)