Дубайда 4—5 март кунлари икки томонлама ҳамкорлик ва давлатлар ўртасида ҳаво қатновларини янада ривожлантириш мақсадида Ўзбекистон ва БАА авиация маъмуриятлари ўртасида маслаҳатлашувлар бўлиб ўтди, дея хабар бермоқда Транспорт вазирлиги.
Ўзбекистон ва БАА шаҳарлари ўртасида ҳаво қатновларини ривожлантириш мақсадида томонлар БАА авиакомпанияларининг Абу-Даби, Дубай, Шаржа шаҳарларидан Ўзбекистоннинг Тошкент, Самарқанд, Бухоро, Қарши, Термиз, Урганч, Нукус шаҳарларига парвозларни амалга ошириши бўйича келишувга эришган.
«Музокаралар якунида иккала томон ҳам давлатлар ўртасидаги ҳаво қатновларини янада кенгайтиришга тайёр эканини билдирди ва тегишли баённомани имзолади», — дейилади вазирлик ахборотида. Кўрсатилган шаҳарлар ўртасидаги авиақатновлар қачон бошланиши, қайси авиакомпаниялар томонидан амалга оширилишига хабарда аниқлик киритилмаган.
Изоҳ (0)