Ўзбекистонда 2020 йилнинг январь—февраль ойларида 802 та ЙТҲ содир бўлди. ИИВ ЙҲХББ хабарига кўра, улардан 255 таси ўлим билан якунланган.
Икки ой давомида содир бўлган ЙТҲларда умумий ҳисобда 265 киши ҳалок бўлган. Улардан 188 нафари воқеа жойида, 77 нафари бир кун ўтиб касалхонада вафот этган. Яна 724 нафар фуқаро турли даражадаги тан жароҳатлари олган.
ЙТҲларнинг 212 таси пиёдаларнинг йўлнинг белгиланмаган жойидан ўтиши, 105 таси ҳайдовчиларнинг белгиланган тезликка риоя қилмаслиги оқибатида содир бўлган. 102 та ҳолат ҳайдовчининг пиёдани кўрмай қолиши, яна 70 таси қувиб ўтиш қоидаларининг бузилиши сабабли юз берган.
Энг кўп ЙТҲлар Тошкент шаҳри (116 та), Тошкент вилояти (109 та), Наманган (79 та) ва Фарғона вилоятларида (71 та) кузатилган.
Изоҳ (0)