Франция Миллий ассамблеяси аъзоси Жан-Люк Рейцер коронавирус билан касалланди. Бу ҳақда France Bleu радиоси берган маълумотга таяниб, «Коммерсантъ» хабар бермоқда. У оғир аҳволда касалхонага ётқизилган.
Маълум бўлишича, Жан-Люк Рейцер 25 февраль куни ўтказилган парламент йиғилишида бўлган. Касаллик парламент буфети ходимида аниқланган. У уй карантинида сақланмоқда.
Қайд этилишича, Францияда коронавирусга чалинганлар сони 420 кишидан ошиб кетди. Президент Эммануэль Maкрoн Францияда COVID-19 коронавирусининг тарқалиши эпидемияга айланиши муқаррар эканлигини айтган.
Аввалроқ Францияда коронавирус билан касалланганлар сони икки баравар кўпайгани ҳақида хабар берилган эди. Пекин университети олимлари COVID-19 инфекциясини келтириб чиқарадиган коронавирус бутун дунё бўйлаб тарқалиш жараёнида эволюцион ўзгаришларга учраганини маълум қилди.
Изоҳ (0)