Ижтимоий тармоқларда «Коронавирус касаллиги Фарғонага кириб келди», мазмунидаги ёлғон аудио тарқатган фуқаро аниқланиб, ўзбекистонликлардан кечирим сўради. Бу ҳақда «Дарё»га Соғлиқни сақлаш вазирлиги жамоатчилик билан алоқалар бўлими маълум қилди.
Маълум бўлишича, тармоқларда асосланмаган аудиоси тарқалган фуқаро Фарғонадаги «Рухсор» радиосининг ходими бўлиб, у хабарни дўстларига ҳазиллашиб жўнатган. Бироқ аудио дўстлари томонидан ижтимоий тармоқларга тарқатиб юборилган.
Бу эса аҳоли орасида ваҳима ва турли баҳс-мунозараларга сабаб бўлди. Юқоридаги хабар ижтимоий тармоқ фойдаланувчилари ва аҳоли орасида тарқалиб бўлгач журналист ёлғон хабар тарқатганлиги учун халқимиздан узр суради.Вазирликнинг аниқлик киритишича, Соғлиқни сақлаш тизимида коронавирус инфекцияси янги турининг Ўзбекистонга кириб келишининг олдини олиш борасида қатъий назорат ўрнатилган.Соғлиқни сақлаш вазирлиги
Аввалроқ Ўзбекистон бош давлат санитария врачи Баҳром Алматов янги турдаги COVID-19 коронавируси билан касалланиш ҳолатлари аниқланган мамлакатлардан Ўзбекистонга келган фуқароларни карантин ва изоляцияга олиш тўғрисида қарор чиқаргани ҳақида хабар берилганди.
Мавзуга доир: Коронавирус хавфи сабаб Ўзбекистондаги ўқитувчи ва талабаларнинг хорижга чиқиши чегараланди
Аввалроқ Жаҳон соғлиқни сақлаш ташкилоти коронавирусга қарши курашиш учун ҳар ой 89 миллион тиббий ниқоб зарурлигини маълум қилганди. Сўнгги маълумотларга кўра, бутун дунё бўйлаб коронавирус билан касалланганлар сони 90 870 кишига етган бўлиб, 3110 киши вирус оқибатида вафот этган.
Изоҳ (0)