Shimoliy Koreya Yaponiya dengizi tomon noma’lum ikkita snaryad otdi. Bu haqda Yonhap agentligiga tayangan holda “RBK” xabar bermoqda.
Ta’kidlanishicha, bu 2019-yilning 28-noyabridan buyon KXDR tomonidan otilgan birinchi snaryad. O‘tgan yilda Pxenyan 13 marta shunday amaliyotni o‘tkazgan edi.
Snaryadlar KXDR janubi-sharqidagi Vonsan shahridan Yapon dengizi tomon otilgan.
2019-yilning dekabr oyida Shimoliy Koreya AQShni Koreya yarimorolini yadrosizlantirish bo‘yicha muzokaralarni ataylab kechiktirishda ayblab, buni Donald Trampning qayta saylanishi bilan bog‘liq ichki siyosiy kun tartibiga “vaqtni tejash uchun hiyla” deb atagan.
2020-yil boshida Shimoliy Koreya yetakchisi Kim Chen In KXDR “yangi strategik qurol” namoyish etishni rejalashtirayotganini e’lon qilgan.
Mavzuga doir: KXDR yadro qurollarining sinovini to‘xtatmoqchi emas
21-yanvar kuni Shimoliy Koreya yadro sinovlariga moratoriyni bajarishdan bosh tortdi. KXDRning BMT qoshidagi Jenevadagi doimiy vakolatxonasi maslahatchisi Chju Yon Chxol Pxenyan AQSh tomonidan bajarilmayotgan majburiyatlarni bir tomonlama bajarishdan ma’no ko‘rmayotganini aytgan.
Eslatib o‘tamiz, Singapurda 2018-yilda Tramp va Kim Chen In tarixda birinchi marta o‘tkazgan AQSh va KXDR sammiti yakunida hamkorlikda hujjat imzolangan, unda Vashington tomonidan xavfsizlikni ta’minlash kafolati evaziga Pxenyan Koreya yarim orolini yadrodan xoli etish majburiyatini olgan edi.
Izoh (0)