Filippin poytaxti Manila shahrida qurollangan shaxs savdo markazida 30 kishini garovga oldi, deb xabar berdi “RBK”.
Savdo markazida otishma yuz berib, bir kishi jarohatlanganidan so‘ng politsiya markazni o‘rab olgan. Jabrlanuvchi shifoxonada, uning ahvoli barqaror ekanligi aytilmoqda.
Shahar ma’muriyatining ma’lum qilishicha, odamlarni savdo markazining sobiq qorovuli garovga olgan. Dastlabki ma’lumotlarga ko‘ra, u o‘qotar qurol va granata bilan qurollangan.
Hozir u bilan muzokara olib borilmoqda, erkak ovqat va suv so‘ragan.
Qayd etilishicha, savdo markazining xavfsizlik xizmati sal avvalroq erkakni ishdan bo‘shatgan. U odamlarni garovga olishdan avval boshqa hamkasblaridan o‘ziga sherik bo‘lishni so‘ragan, biroq ular erkakning taklifini rad etgan.
Izoh (0)