Футбол бўйича Италия чемпионатининг 26-турида 1 март, якшанба куни иккита учрашув бўлиб ўтди. Эътиборли жиҳати, ушбу баҳслар голларга бой бўлиб, дарвозаларга жами 16 та тўп киритилди.
Жорий мавсумда ўта сермаҳсул ўйин намойиш қилаётган «Аталанта» «Лечче» майдонига сафар уюштирди.
Мазкур баҳсда меҳмонлар томонидан рақиб дарвозаси 7 бор аниқ нишонга олинди. «Аталанта» таркибида ҳужумчи Дуван Сапата ҳет-трик қайд этган бўлса, ярим ҳимоячилар Йосип Иличич ва Руслан Малиновский, шунингдек яна бир ҳужумчи Луис Муриэль ҳам ўз номини таблога ёздириб қўйди. «Аталанта» ушбу ғалабадан сўнг 48 очко билан тўртинчи ўринни эгаллаб турибди.
Еврокубоклар учун курашаётган Римнинг «Рома» клуби эса меҳмонда «Кальяри»га қарши баҳс олиб борди. Муросасиз учрашувда «бўрилар» ҳужумчиси Калиничнинг 2 та голи ва битта самарали узатмаси пойтахтликларга муҳим 3 очкони тақдим қилди. Шу тариқа очколари сонини 45 тага етказиб олган «Рома» мусобақа жадвалида 5-ўринда бормоқда.
А Серия
26-тур баҳслари
1 март, якшанба
«Лечче» — «Аталанта» 2:7
Голлар: 0:1 – 17, автогол Донати, 0:2 – 22, Сапата, 1:2 – 29, Сапонара, 2:2 – 39, Донати, 2:3 – 47, Иличич, 2:4 – 54, Сапата, 2:5 – 62, Сапата, 2:6 – 87, Муриэль, 2:7 – 90, Малиновский.«Лечче»: Габриэль, Донати, Россеттини, Лучони, Кальдерони, Майер (Тахцидис, 63), Барак, Деёла, Манкозу (Шахов, 63), Сапонара, Лападула.
«Аталанта»: Голлини, Ҳатебур, Паломино, Калдара, Госенс, Фройлер, де Рон, Гомес (Малиновский, 69), Пашалич, Иличич (Муриэль, 73), Сапата (Тамез, 85).
Огоҳлантиришлар: Ҳатебур (45), Паломино (57), Лучони (66), Сапонара (70).
«Кальяри» — «Рома» 3:4
Голлар: 1:0 – 28, Жоао Педро, 1:1 – 29, Калинич, 1:2 – 41, Калинич, 1:3 – 64, Клюйверт, 2:3 – 73, Перейро, 2:4 – 81, Мхитарян, 3:4 – Жоао Педро, 89.«Кальяри»: Ольсен, Пеллегрини, Каччаторе, Клаван, Пизакане, Наингголан, Рог (Рагацу, 89), Олива, Ионисе (Перейро, 66), Жоао Педро, Палоски (Симеоне, 66).
«Рома»: Лопес, Фасио, Смоллинг, Коларов, Бруно Перес (Сантон, 84), Клюйверт (Верету, 85), Кристанте, Мхитарян, Ўндер (Карлес Перес, 76), Вильяр, Калинич.
Огоҳлантиришлар: Ундер (34), Жоао Педро (35), Вильяр (55), Симеоне (69), Клюйверт (78), Пеллегрини (80), Лопес (90), Сантон (90), Рагацу (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)