Бухорода икки эркак бир аёлни «бизнес қиламиз» деб 13,8 миллион сўмга алдаб кетди

Бухоро вилоятида икки эркак бир аёлнинг ишончига кириб, бизнес қилиш шарти билан 13,8 миллион сўм пулини олиб, қайтармасдан келгани юзасидан туман Тергов бўлими Жиноят кодексининг 168-моддаси 2-қисми «б» банди (бир гуруҳ шахслар томонидан содир этилган фирибгарлик) билан жиноят иши қўзғади.

Тергов департаментининг ахборот хизмати хабар беришича, 25 февраль куни Пешку тумани ИИБсига 42 ёшли Л.Г. ариза билан мурожаат қилиб, Жондор туманида яшовчи 33 ёшли А.С. ва 41 ёшли М.Ж.лар биргаликда бизнес қилиш шарти билан аёлнинг пулларини алдов йўли билан қўлга киритган. Л.Г. маълум қилинишича, шу кунга қадар фуқаролар берган ваъдасини бажармай, пулларни қайтармасдан келган.

«Ҳозирда дастлабки тергов ҳаракатлари олиб борилмоқда», – дейилади Тергов департаменти хабарида.