Йўлдош Жумаев Бухоро вилояти ҳокимининг ўринбосари — Маҳалла ва оилани қўллаб-қуватлаш бошқармаси бошлиғи этиб тайинланганидан сўнг, Когон тумани ҳокими лавозими бўшаб қолган эди.
Хабар беришларича, шу кунгача Вазирлар Маҳкамаси ҳузуридаги Агросаноат мажмуи устидан назорат қилиш инспекцияси бошлиғи сифатида ишлаб келган Муҳиддин Эсонов Когон туманига ҳоким этиб тайинланган.
Қайд этиш жоиз, Муҳиддин Эсонов 2011—2016 йилларда Бухоро вилоятига ҳокимлик қилган. Вилоят ҳокимлигидан олингач, маълум муддат Бухоро туманига раҳбарлик қилган эди.
Аввалроқ, Ўзбекистон бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси Аброл Ваҳобов Вазирлар Маҳкамаси ҳузуридаги Агросаноат мажмуи устидан назорат қилиш инспекцияси бошлиғи этиб тайинлангани ҳақида хабар берилган эди.
Мавзуга доир:
- Бухоро шаҳри ҳокими Бухоро вилоятига ҳоким бўлди
- Фото: Бухорода вилоятнинг собиқ ҳокими Ўктам Барноевга ҳурмат-эҳтиром кўрсатилди
- Наргиза Неъматова Олот туманига ҳоким бўлди. У сўнгги 10 кунда ҳоким этиб тайинланган иккинчи аёл бўлди
- Олотга ҳокимлигида фермерни урган Шерали Саломов энди Қоракўл туманини бошқаради
Изоҳ (0)