Футбол бўйича Мюнхеннинг «Бавария» клуби ўйинчиларига коронавирус хавфи туфайли мухлислар билан бирга суратга тушиш ҳамда дастхат улашиш маън этилди. Бу ҳақда клуб матбуот хизмати хабар берди.
Немис футбол лигаси 26 февраль куни коронавирус тарқалиши туфайли биринчи ва иккинчи Бундеслигада амал қилиниши шарт бўлган эҳтиёт чоралари ҳақида маълум қилди.Маълумот учун, аввалроқ коронавирус сабаб «Ювентус»—«Интер» ва А Сериянинг яна тўртта ўйини томошабинларсиз ўтиши маълум бўлганди. Вирус туфайли «Пахтакор»нинг ОЧЛдаги ўйини қолдирилди.«Бавария» Германия ва дунёдаги бу борадаги вазиятни диққат билан кузатиб бормоқда, клуб тиббий департаменти ходимлари мунтазам равишда Роберт Кох номидаги институт мутахассислари билан ўзаро фикр алмашиб келмоқда.
Мазкур институтнинг тавсияларига асосланиб «Бавария» тиббий департаменти раҳбари профессор Роланд Шмидт футболчиларга бундан кейин мухлисларга дастхат бермаслик ва улар билан суратга тушмасликни тавсия қилди.
Биз машғулотлар ва учрашувларга ташриф буюраётган мухлислардан ушбу ҳолатни тўғри қабул қилишларини илтимос қилиб қоламиз.
«Бавария» клуби баёноти
Эслатиб ўтамиз, бутун дунё бўйлаб коронавирус билан зарарланишнинг 83 272 ҳолати қайд этилиб, бунинг натижасида 2858 нафар инсон вафот этди. Коронавирус 53 мамлакатга тарқалди.
Мавзуга доир: Хитой коронавируси бўйича 28 февралнинг асосий хабарлари
Изоҳ (0)