Манчестерга келган илк кунларидаёқ Одион Игало «Манчестер Юнайтед»га ўтишни бутун умр орзу қилганини, бироқ бу кунларни унинг катта опаси Мери кўрмаганидан қаттиқ афсусда эканлигини таъкидлади.
Одионнинг опаси Мери 2019 йил декабрида 43 ёшида вафот этди. Нигериялик ҳужумчи келажакда урадиган барча голларини ўзи учун онасидек бўлган опасига бағишлашини айтди.
«Ҳиссиётлар ҳали ҳам мени тарк этгани йўқ. Боиси опам мени бир умрга тарк этганини ҳали ҳам тушуниб етмадим. Энди уни ҳеч қачон кўрмайман.Одион «Манчестер Юнайтед» сафидаги дебют голини «Брюгге»га урди ва уни ваъдасига кўра, опасига бағишлади. Энди ҳар доим шундай бўлади.Уйда ёлғиз қолган вақтларимда уни ёдга оламан, юрагимда ўзгача оғриқ пайдо бўлади. Эгизагим Ахера қўнғироқ қилиб, Мери унга етишмаётганлигини айтади. Баъзан ёлғизликда йиғлаб ҳам оламан. Бу ўта оғир йўқотиш, бироқ эркак киши сифатида кучли бўлиб қолишга ҳаракат қиламан.
Мери болаларини мактабга тайёрлаб турган вақтда тўсатдан юраги хуруж бериб қолади. Бу жуда оғриқли ҳолат эди. У ҳушидан кетиб бўлганди. Болалар тез тиббий ёрдамга қўнғироқ қилгунига қадар у ҳаётдан кўз юмди. Шифокорлар келиб уни жонлантиришга ҳаракат қилиб кўргунча у вафот этганди.
Мери катта опамиз бўлишига қарамай барчамиз учун онамиздек эди. У «Юнайтед»нинг ашаддий ишқибози эди. Ҳаммамиз «Манчестер»нинг ўйинларини кўриб катта бўлдик, унга мухлислик қилдик.
Шу кундан эътиборан фаолиятим якунига қадар урадиган барча голимни Худо ва Мерига бағишлайман. Унинг исмини махсус футболкам ва буциларимга ёздим. Бутун дунёга у мен билан эканлигини кўрсатишни хоҳлайман. Мери ҳозир ёнимизда бўлмаса ҳам бу орқали менинг «Олд Траффорд»да қандай ўйнаётганлигимни, биргаликда қилган орзуларимизни ҳис қилади деб умид қиламан», — дейди Игало.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)