Ўзбекистон аҳолиси ўртасида коронавирус инфекцияси бўйича эпидемиологик барқарорликни таъминлашга йўналтирилган барча профилактик ва эпидемияга қарши тадбирлар халқаро тиббий санитария талаблари асосида амалга оширилмоқда.
Соғлиқни сақлаш вазирлиги матбуот хизматининг хабар беришича, бу ҳақда вазирлик томонидан 28 февраль куни ташкил этилган матбуот анжуманида батафсил тўхталиб ўтилди.
Анжуманда таъкидланишича, Соғлиқни сақлаш вазирлиги ва Санитария-эпидемиологик осойишталиги агентлиги ҳузурида узлуксиз 24 соат давомида фаолият кўрсатувчи штаб ташкил қилинган. Жаҳон соғлиқни сақлаш ташкилоти билан мустаҳкам ҳамкорлик алоқалари ўрнатилди.
Бироқ таъкидланишича, бу хотиржам бўлишга асос бўла олмайди. Шунинг учун ҳам 28 февраль куни дастлаб Соғлиқни сақлаш вазирлигида, сўнг Вазирлар Маҳкамасида бош вазир раҳбарлигида Эпидемияга қарши кураш фавқулодда комиссиясининг навбатдаги йиғилишида ҳам бу борада кечиктириб бўлмайдиган долзарб вазифалар белгилаб берилган.
Мавзуга доир: Ўзбекистон соғлиқни сақлаш вазири коронавирус муҳокамасига бағишланган видеоселектор йиғилиши ўтказди
Соғлиқни сақлаш вазирлиги мутахассислари аҳолини коронавирус билан боғлиқ эпидемик вазиятдан хавотирга тушмасдан огоҳ бўлишга, жумладан, шахсий гигиена қоидаларига қатъий риоя қилишга чақирмоқда.
Изоҳ (0)