Президент Шавкат Мирзиёев 28 февраль куни Яшнобод туманидаги Мудофаа вазирлигига қарашли Маънавият ва маърифат марказини бориб кўрди.
Бу марказ биноси 1980 йилда қурилган. Ҳозирда унда Қуролли Кучлар ансамбли, Марказий ҳарбий оркестр, «Турон» давлат ҳарбий театри, бичиш-тикиш корхонаси ва болалар тўгараклари жойлашган. «Лекин имкониятлардан тўла фойдаланилмаётган эди», — дейилади Президент матбуот хизмати ахборотида.
Президент марказ биносини реконструкция қилиб, ундан мақсадли фойдаланиш, давлат-хусусий шериклик асосида кўнгилочар маскан ташкил этиш зарурлигини таъкидлади. Бу ерда концертлар, байрам тадбирлари ўтказилади. Атроф ободонлаштирилиб, тадбиркорлар иштирокида савдо ва хизмат кўрсатиш шохобчалари ташкил этилади.
Изоҳ (0)