Футбол бўйича Ўзбекистон Суперлигасининг 1-турида «Пахтакор» 27 февраль, пайшанба куни «Навбаҳор»ни қабул қилиб, иродали ғалабани қўлга киритди.
Учрашувнинг 26-дақиқасида наманганликлар клуби ҳисобда олдинга ўтиб олди: қарши ҳужумдан кейин жарима майдонига ёриб кирган Иван Соловёв ҳимоячини алдаб ўтган ҳолда дарвозани ишғол қилди.
Биринчи бўлимга қўшиб берилган вақтда меҳмонлар вакили Ислом Исоқжонов иккинчи марта сариқ карточкани олиб, майдондан четлатилди. Иккинчи бўлимни фаол бошлаган «шерлар» 51-дақиқада Игор Сергеевнинг голидан сўнг ҳисобни тенглаштиришга муваффақ бўлди.
78-дақиқада энди «Пахтакор» ўн ўйинчи бўлиб қолди: Егор Кримецга иккинчи сариқ карточка кўрсатилди. 89-дақиқада Сергеев ўйинда дубль қайд этган ҳолда мезбонларга ғалаба келтирган голга муаллифлик қилди.
Шу тариқа Шота Арвеладзе шогирдлари янги мавсумни қийин ғалаба билан бошлади.
Суперлига
1-тур баҳси
27 февраль, пайшанба
«Пахтакор»—«Навбаҳор» 2:1
Голлар: 0:1 — 26 Соловёв, 1:1 — 51 Сергеев, 2:1 — 89 Сергеев.«Пахтакор»: Элдор Суюнов, Ҳожиакбар Алижонов, Анзур Исмоилов, Егор Кримец, Фаррух Сайфиев, Сардор Собирхўжаев (Эрен Дердийок, 68), Одил Ҳамробеков, Достон Ҳамдамов (Асад Собиржонов, 83), Драган Черан, Жалолиддин Машарипов, Игор Сергеев (Шерзод Аъзамов, 90+1).
«Навбаҳор»: Ўткир Юсупов, Азим Аҳмедов, Иван Соловёв, Азизбек Турғунбоев, Ислом Исоқжонов, Обид Жўрабоев, Мирзоҳид Ғофуров, Игор Голбан, Ислом Рашидхонов, Хуршид Мухторов, Аббос Ғуломов.
Огоҳлантиришлар: Алижонов (12), Исоқжонов (21), Соловёв (29), Кримец (33), Собирхўжаев (40), Дердийок (72), Мухторов (82), Сайфиев (90+4)
Четлатишлар: Исоқжонов (45+3), Кримец (78)
Изоҳ (0)