«Манчестер Сити» Европа Чемпионлар Лигаси 1/8 финал босқичининг илк баҳсида «Реал»ни мағлуб этди (2:1).
Бу инглиз клуби устози Хосеп Гвардиола учун Чемпионлар Лигаси плей-офф ўйинларидаги 28-ғалаба бўлди ва испаниялик мутахассис бу борада рекордчига айланди. Пеп 27 тадан ғалаба қайд этган Жозе Моуриньо, Карло Анчелотти ва Алекс Фергюсонни ортда қолдирди.
Гвардиола «Реал» устидан 10 марта ғалабага эришди. Мутахассис бу борада Эрнесто Вальверде ва Диего Симеонедан (9 тадан ғалаба) ўзиб, XXI асрдаги энг яхши натижани қайд этди.
Шунингдек, Гвардиола «Реал»ни ЕЧЛдаги сафар ўйинида икки бор мағлуб этган тарихдаги иккинчи мутахассисга айланди. У «Бавария» собиқ устози Оттмар Хитцфелднинг натижасини такрорлади. Бироқ 49 ёшли мутахассис бу ишни икки хил жамоа билан амалга оширган илк мураббий бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)