Қорақалпоғистон Республикаси ва 4 та вилоятда ИИВ ҳуқуқбузарликлар профилактикаси бошлиқлари алмашди

Ўзбекистон Республикаси ИИВ тизимида бир қатор кадрлар алмашинуви рўй берди. Бу ҳақда вазирлик матбуот хизмати хабар берди.

Хабарга кўра, подполковник Омирбай Турдибаев  — Қорақалпоғистон Республикаси ички ишлар вазирининг ўринбосари — ҳуқуқбузарликлар профилактикаси бошқармаси бошлиғи лавозимига тайинланди.

Тайинловга қадар Омирбай Турдибаев Қорақалпоғистон Республикаси Тахтакўпир тумани Ички ишлар бўлими бошлиғи лавозимида фаолият юритган.

Подполковник Махамаджон Нишонов — Андижон вилояти Ички ишлар бошқармаси бошлиғининг ўринбосари — ҳуқуқбузарликлар профилактикаси бошқармаси бошлиғи лавозимига тайинланди. У тайинловга қадар Андижон вилояти ИИБ патруль-пост хизмати ва жамоат тартибини сақлаш бошқармаси бошлиғи лавозимида ишлаган.

Бухоро вилояти ИИБ ҳуқуқбузарликлар профилактикаси бошқармаси бошлиғи лавозимида ишлаган подполковник Жонибек Болтаев эса вилоят ИИБ бошлиғининг ўринбосари — ҳуқуқбузарликлар профилактикаси бошқармаси бошлиғи лавозимига тайинланган.

Яна бир тайинлов Жиззахда амалга ошган: полковник Жўрабек Авазов — Жиззах вилояти Ички ишлар бошқармаси бошлиғининг ўринбосари — ҳуқуқбузарликлар профилактикаси бошқармаси бошлиғи лавозимига тайинланди. Аввал Жўрабек Авазов Жиззах вилояти ИИБ ҳуқуқбузарликлар профилактикаси бошқармаси бошлиғи лавозимида фаолият юритган.

Қашқадарё вилоятида подполковник Умид Яхшиев — Қашқадарё вилояти Ички ишлар бошқармаси бошлиғининг ўринбосари — ҳуқуқбузарликлар профилактикаси бошқармаси бошлиғи лавозимига тайинланган.