Тошкент шаҳар Учтепа туманида 8-йўналишда қатнайдиган автобусда ёнғин чиқди. Бу ҳақда Ўзбекистон Ички ишлар вазирлиги Йўл ҳаракати хавфсизлиги бош бошқармаси хабар берди.
Маълум қилинишича, 25 февраль, сешанба куни, соат 13:30 да Учтепа тумани, 21-мавзе Катта Хирмонтепа кўчасидаги бекатда тўхтаб турган ҳайдовчи Н.Р. бошқарувидаги Mercedes-Benz русумли 8-йўналишда қатнайдиган автобус двигатель қисмининг электр симлари тутаб, ёнғин чиққан. Ўт ўчирувчилар воқеа жойига ўз вақтида етиб келиб, ёнғинни бартараф этган.
Таъкидланишича, ёнғин натижасида тан жароҳати олганлар йўқ.
Аввалроқ Санкт-Петербургда ўзбекистонлик ҳайдовчи 50 нафар йўловчини автобусдаги ёнғиндан қутқариб қолган эди.
Изоҳ (0)