Тож Маҳалдаги Трамп, ҳукуматга қарши намойишлар, коронавирус чарчатган шифокор. 24 февралнинг энг қизиқарли суратлари

24 февраль, душанба куни дунёнинг турли бурчакларида олинган энг қизиқарли суратлар жамланмасини тақдим этамиз.

Тегу, Жанубий Корея

Шифохона ташқарисида ҳордиқ чиқараётган тиббиёт ходими.

Гаити пойтахтида бўлаётган тартибсизликлар туфайли мамлакатда ўтказиладиган карнавал бекор қилинди.

Ғазо сектори

Исроил томонидан Ғазо секторига берилган зарбадан кейинги олов ва тутун узоқдан кўринмоқда.

Аҳмадобод, Ҳиндистон

Сардор Пател стадионида Дональд Трамп чиқиш қилаётган пайтда хавфсизликни таъминлаётган АҚШ махфий хизмати ва Ҳиндистон махсус ҳимоя гуруҳи аъзолари.

«Сан-Сиро» стадиони олдидаги «Интер» мухлиси. Коронавирус туфайли футбол бўйича Италия А Серияси доирасидаги бир нечта ўйин қолдирилди.

Москва, Россия

Владимир Путин Ватан ҳимоячилари куни муносабати билан Номаълум аскар пойига гул қўйиш маросимида.

Талтуна, Сурия

Ерости бошпанасидаги суриялик оила. Бу ерда Алеппо ва Идлибдан кўчирилган бир неча оила яшамоқда.

Нью-Дели, Ҳиндистон

Фуқаролик бўйича янги қонун тарафдори қонунга қаршилар томон тош отмоқда.

Италия

Италиянинг 12 та шаҳрида коронавирус туфайли карантин эълон қилинди.

Ҳукуматга қарши намойишлар давом этмоқда.

Сеул, Жанубий Корея

Коронавирусдан ҳимояланиш учун ниқоб тақиб олган аёл кўзгулар олдидан ўтмоқда.

АҚШ президенти Дональд Трамп рафиқаси Мелания билан бирга Тож Маҳал ёдгорлигини зиёрат қилди.

Wikileaks асосчиси Жулиан Ассанжнинг АҚШга экстрадиция қилиш масаласи бўйича суд бошланди.

Фаҳаҳил, Кувайт

Махсус хизмат ходимлари Эрондан эвакуация қилинган фуқаролар карантинга жойлаштирилган меҳмонхонани қўриқламоқда.

Ҳукуматга қарши намойиш иштирокчиси полиция томонидан қўлга олинди.

Рио-де-Жанейро, Бразилия

Вирадуро самба мактаби иштирокчиларининг карнавалдаги чиқиши.

Фолькмарзен, Германия

Карнавал вақтида енгил машина одамларни босиб кетиши оқибатида 30 дан ортиқ одам жароҳатланди. Ҳайдовчи қўлга олинди.

Тикипая, Боливия

Кўнгиллилар тошқинларга сабаб бўлган кучли ёмғирдан кейин одамларнинг шахсий буюмларини кўчиришга ёрдам бермоқда.

Милан, Италия

Жоржио Армани коронавирус сабабли модалар намойишини бекор қилди.

Ҳукуматга қарши намойиш ўтказаётган ироқликлар коронавирусдан ҳимояланиш учун ниқоб тақиб олган. Ироқда биринчи марта коронавирус билан касалланиш ҳолати эронлик талабада қайд этилди.